DaRk AnGeL
نشيط
عدد الرسائل : 89
العمر : 32
مكان الاقامة : فلسطين
العمل/الترفيه : طالبة
تاريخ التسجيل : 01/06/2008
 | | موضوع: مصطلحات شعبية الجمعة يونيو 13, 2008 11:00 am | |
|
شويه مصطلحات فلسطينية من سنة سيدي بنستعملها يعني غزاويه ع خليليةع تلحمية ع نابلسية ع قلقيلية ومن هنا
وكمان هاي المصطلحات في منها بالاردن وبجوز في دول تانية بتستعملها
بنكيت
الرصيف في الشارع
البيارة
المزرعة
شمينت
نوع من انواع اللبن مفردة من مخلفات العدو الصهيوني
ككسة
كيكة
الكوربة
رأس الشارع أو لفة آخر الشارع
ضاوي
فاقد ما بفهم اشي
براد أو بكرج
إبريق بنقول براد الشاي أو بكرج الشاي
شُشْبَرك
طبيخ مرات وهي عجين بنحشي لحمة أو كفتة مفرومة وبنطبخ مع اللبن
بشكير
منشفة اللي بنشف فيها وجهنا على الصبح
فرشة
معناتها فراش بس احنا بندلعها فرشة ههههههههه
ابطيني
يعني بياكل اكل ما شاء الله ولا هو داري عن حاله
بابور
زي فرن الغاز بس على صغير واله عين وحدة وبشتغل على الكاز (بابور الكاز)
مخدة
وسادة
زرفيل
قفل الباب
اقلط الشارع
اقطع الشارع
عشرطعش
يقصد فيها الكثرة من الشئ
تخت
سرير
رمزون
كلمة عبرية معناها إشارة مرور ضوئية
كلنس
محارم
سطل أو جردل
دلو
هواية
مروحة
نونة
يعني شوي
نتفة
اقل من شوية
ونجك حالك
يعني زبط حالك
روق يا ضاوي
يعني: وحِّد الله يا مجنون
على بلاطة
يعني من الآخر
كوشي
يعني اسود
شكشوكه
اكله بندوره وبيض
بابوج
شبشب
معصلج أو مزرجن
مش راضي أو بمعنى آخر راكب راسه
مقلمة
علبة الأقلام اللي بكون شايلها الطالب تاع المدرسة
فورسة
فسحة اللي في نص الحصص في المدرسة
كنتين
كافتيريا المدرسة
صف
فصل المدرسة
الدالية
هي شجرة العنب
يقال تعال نقعد تحت الداليه بمعني هيا بنا نجلس تحت شجرة العنب
الزغيرة أو الزغنونة
صغيرة
جمطة
= يعنى ما بتنبلع ما تنزل من زور
طشه
يعني فسحة او طلعة علي البر او علي البحر
اجنص أو لنج
جديد
مواسرجي
السباك ... الرجل الذي يقوم بتصلح المجاري
حنفية أو مصورة
صنبور
مية متلجة
مياة مثلجة
ورا الدار
خلف البيت
قاع الدار
الجزء الامامي للدار
قزاز
زجاج
سيرج
زيت الذرة او زيت عباد الشمس
سقاطة
حصالة
قداحة
ولاعة
بربيج
خرطوم المياة
لنش
سفينه صيد اسماك كبير
حسكة
سفينة صيد صغيرة
شياطة
الاداة المستخدمة في التزحلق على امواج البحر
زمور
منبه السيارة
كوربة
التفاف الشارع .. تقاطع يعني
منقرز
محتاج الى سيجارة
مخرمن
محتاج شاي او قهوة
شخبطة
خرابيش الجاج
شقلب وجهك عني
يعني ما بدي اشوف خلقتك
سبهللة
يعني بدون مسؤولية
افتح مخك وطقطق دنيك
ركز معي الله لايسيئك
تلقحيه
واحد رامي حالو علينا
دكانة
سوبر ماركت
نتخرف
ندردش مع بعض
ام العبد و ابو العبد
اسم فلسطيني قح
قح
عالاخر
فرم الشاب أو طحنه
خلاه زي الطحينه من الضرب
فعص في بطن الشاب
خبط في بطنه هلكه
جلدة راسه خميله
عبيط او بفهمش بسرعه
بدكاش
ما بدك
شاكوش
مطرقة
فطبول
كرة قدم
طقية
قبعة
شمر
ارفع البنطلون او الجلبية وافكح او اجري
قرفان
واحد مش طايق حالو بالمرة
سك عالدم
يعني انسى ومش فايقلك
برقان
برتقال بس الواحد بيكون مستعجل
بوزك
وجهك
زير
الاناء المصنوع من الفخار يوضع في الماء
قشاط
حزام اللى بيكون على البنطلون
طنجره
بالمصرى حله هاى اللى بيكون فيها الطبيخ اسمها طنجره
الحين
الان بس احنا النا بعد تانى عن الحياه ( حمامي)
حبيبى يا حج
حبيبى يا قلق = حبيبى يا لوز = حبيبى يا حوت
شقفه
حته قطعه
يع
يعنى قرفان من اشى
اوعى تتزحلق
يعنى تندب دير بالك فى صابون على البلاط
الخوصة
السكين
شرشف
ملاية
جربان
شراب ( في الرجل بلبسوه)
شاف
اللي بيحطو فيه الميّة
ليدن
علكة
احلقلو أو طنشو
ماتعبرهوش
ترللي او مهوي
= اهبل
يجاكر
يعاند
زبدية
صحن من الفخار لعمل الدقة الغزاوية
ورق دوالي
ورق عنب
قمباز
لباس فلسطيني يلبسه الختارية
سجرة
شجرة
اسكومية
يعني ايس كريم
الفرشوحه
يعني سندويش الشاورما بالغزاوي القح
ريحة
يعني عطر
قصافة
يعني مقص أظافر
هلأ
الان = هسا = الحين بالفلاحي
مستهلسكو
يعني مش معبركو
مطعوج
من الفعل انطعج والمصدر تاعو انطعاج وهو الشء المعوج
فشكة
بيت الرصاصة الفارغه
ازعق عليه
نادي عليه
ضلك كاوي
ضلك ماشي على طول (نفس الطريق)
يختي
أسلوب نداء للمؤنث
يخوي
اسلوب نداء للمذكر
بعكش
فتش = ابحث = دور
بسكليت
يعني دراجة هوائية
بنكش راس
بمزح
| |
|
احبج
ذهبي
عدد الرسائل : 1943
العمر : 35
مكان الاقامة : الاردن-عمان
تاريخ التسجيل : 28/02/2008
| | موضوع: رد: مصطلحات شعبية الجمعة يونيو 13, 2008 11:44 am | |
| هههههههههههههههههه
عن جد كتير حلوين
ميرسي كتيييييير الك :faye3: | |
|
MO00OM
ذهبي
عدد الرسائل : 513
العمر : 32
مكان الاقامة : DAMMAM
تاريخ التسجيل : 09/05/2008
| | موضوع: رد: مصطلحات شعبية الجمعة يونيو 13, 2008 3:52 pm | |
| | |
|
DaRk AnGeL
نشيط
عدد الرسائل : 89
العمر : 32
مكان الاقامة : فلسطين
العمل/الترفيه : طالبة
تاريخ التسجيل : 01/06/2008
| | موضوع: رد: مصطلحات شعبية السبت يونيو 14, 2008 10:39 am | |
| منورين الموضوع
ويييييييييلكم | |
|
