يا جماعة مدام سليكون لمما شافت اننوا ما حدا بيحضرها عشان حكيا على حمودة
ققررت تجيب اخباروا وترفع نسبة المشاهدة من جديد _يا حرااااااااام_
وهاي المكالمة مع مدير اعمالوا (منقول)
هلة ببرنامج مدام سليكون ( نتالي) كان في اتصال مع مدير اعمال محمد قويدر
اسمه فادي اشي ما بعرف شو
المهم حكى حكي بجننننننننننننن
اول اشي حكتله عرفنا عن حالك ( وكالعادة ما بتخلي حدا يحكي)
هو عبارة عن انسان معاه خبرة اشتغل بروتانا بكافة فروعها من اخراج وادارة واشراف بروتانا موسيقى وروتانا كليب وروتانا خليج وبعدين راح على starsystem وهلة هو بشتغل بالشركة اللبنانية المصرية فسألته خبرنا عن محمد حكالها احنا من اول اسبوع حطينا عينا عليه وبدنا ياه حكتله ليش محمد يعني؟؟؟ حكالها صوته حلو فقطعته وحكتله واخلاقه وتصرفاته حكالها محمد كاريكتير كتير حلو واحنا كتير عجبنا حكتله ما بتخافوا يعصب عليكم , حكالها ليه يعصب اذا احنا مدليلينه ومنعطيه كل اللي بدو ياه ليش يعصب بعدين ما بعرف شو صارت تحكي هديك عن عصبية محمد حكالها في فنانين كبار من دون ذكر اسامي ملحم بركات كتير عصبي
وهو فنان كبير حكتله يعني نصير زيه
حكالها لأ محمد طبيعته هيك فسألته ليش محمد الوحيد اللي كان يعصب من دون الطلاب حكالها لأنه الوحيد اللي ما طلع برا الأكاديمي كلهم اللي راح عالبحر واللي سافر الا هو لا سافر ولاشاف حدا من اهله وحتى المشكلة اللي صارت بينه وبين عبدالله عاقبوه لحاله وخلوه لحاله بالأكاديمي وسألته عن انه ما بارك لنادر حكالها محمد كان معصب مو عالنتيجة كان معصب لأنه جابوا كل بلد كيف التشجيع من برجا ومن تونس ما عدا الأردن فمحمد كان بسأل وين بلدي مع العلم كل شوارع عمان كانت مسكرة وهي عم بتشجع محمد هلة انا ما بعرف اذا جابوه عالتلفزيون بالبيت بس بالبرايم اللي حضروه مباشرة ما شافوا اشي حتى برا كانت اعلام الأردن مو موجودة ومحمد بارك لنادر وسلم عليه ( والدبة ولا انها تفهم وتستوعب ) وبعدين صارت تحكي حكي عالفاضي بس المهم
من ضمن الحكي سألته نتالي انت روحت عند محمد ولا محمد اللي اجا عندك حكالها انا اللي روحت عنده الشركة وكلتني بأني اهتم بمحمد
حكتله طب ليه مو عبدالله او سعد ( وهي مقهورة ) حكالها لأنه محمد غير ستايلوا غير حكتله يعني الصلعة ( بمسخرة)اللي عجبكم فيه حكالها وانا هون عجبني الصلعة الأردنية روعة وصار يحكيلها عن مميزات الشركة في لكل فنان سيارة خاصة وشوفير خاص وهم متعاقدين مع الفنان 5 سنين كل سنة البوم ومن كل البوم 4 فيديو كليب ومتعاقدين مع ميرهان كمان (ومع وسيم وامل عنبري ما بعرفهم انا ) وبأخر المكالمة حكالها بدي اشكر الملك عبدالله والملكة رانيا على دعمهم لمحمد استقبلوه بالقصر الملكي واعطى الملك محمد طيارة خاصة وباسبور دبلوماسي والله يا محمد ما حدا قدك الأردن عملتلك اللي ما عرفوا يعملولك ياه الدول التانية
