يا محمــد الحكلنــه كـوم ويـه النبـي عيسـى
دمـرو كـل الجوامـع فجـرو حتـى الكنيســه
ذوله ماعدهم ديانه
حللـو حتـى دمانـه
يبقـه اسـد هــذا العراقي وابـد مايوكـع فريسه
لا شرف لا غيره عندك انته من عدنه شتريد
تريد تزرع طائفيـه وتدري هـذا الشـي بعيــد
نبقه تاج الراس احنه
وبيدنـه نداوي جرحنه
ويبقه اسـد هــذا العراقي وابـد مايوكـع فريسه
انته اصلك مـو عراقـي وانته اصلا مو شريف
فجـرت نفسـك علينـه بدمنـه حنيــت الرصيـف
اليكتل ابن الرافدين
ظالـم وماعنـده ديـن
يبقـه اسـد هــذا العراقي وابـد مايوكـع فريسه
الوطن مو مال واحد الوطن ملك الجميع
احنه نبقه اخوان كلنه وحقنه منريده يضيع
احنه اهل اول حظاره
واحنه للعالم مناره
يبقـه اسـد هــذا العراقي وابـد مايوكـع فريسه
والله نبقه اخوان احنه نعيش كلنه بهل بلاد
مسلم وصبي ومسيحي والعرب ويه الكراد
افتخر اصلي عراقي
بعزم شديته نطاقي
ويبقـه اسـد هــذا العراقي وابـد مايوكـع فريسه
